![]() |
يانافخن صدرك تكبرعلى ويش
للشاعر/ مصلح ابن عياد الحارثى
[poem=font=",6,white,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/22.gif" border="inset,3,white" type=0 line=0 align=center use=ex num="0,black""] يالله يلى تستر الطير بالريش=يلى على فضلك تعيش المواشي يارب عبدن في ضميره نواهيش=تلعب بقلبي لعب صف النواشي انا ليا مني نويت المطاريش=يخف نومي ويتضايق فراشي كنه يدق صبي عيني مناقيش=النور طافي واحسب النور واشي وليا طرالي راعي الكبر والطيش=كنه خشيرن لي معي في معاشي يانافخن صدرك تكبرعلى ويش=والله وماقالت ترى اللاش لاشي الكبر منهاج الخبول الدراويش=مكبرين ظهورهم بالخياشي يالله لاتجعل طريقي على الهيش=هرع الكلام المستحيل الهتاشي رجال في طردن وراء لقمة العيش=وفي غيرها لد النظر وانت ماشي والثاني اللي مركزن للحشاحيش=تلقى مساييره هجاد وغباشي عنده مداوير الرذيله مهاييش=عودن على ضوه يحوم الفراشي قليل دين وعقله اصخف من الريش=وجهه صفاه وبشرته جلد حاشي عساه فدوه للعيـال المداغيش=الطيبين الصاملين الهشاشي الصادقين الصاملين الهشاهيش=زبن الدخيل مصدرين العطاشي الله من قلبن ينوشه مناويش=توميبه اومايت غصون الهواشي لا والله الا صار فى الجو تشويش=يباع فيـه الدم الاشقر بلاشي يابايع الدم الحمر بالغلط ليش=اهدرت دمك بين مرشى وراشي مدرى ظلام وفرصة للخفافيش=والا سراج ونور والقدر طاشي السالفه ماهـى هجاد ومغابيش=يبغالها مجلس رجال ونقاشي اما زعلنا من زعل قائد الجيش=والا قدحنا النار والعـود واشي مظاهرات الغرب حمر الطرابيش=ماهى لنا ياهل السفر والتماشي هدم البناء عيب وغلط ياشواكيش=ماعاد نبغى من مطركم رشاشي [/poem] |
الساعة الآن 10:25 AM |
Powered by vBulletin® Copyright ©2000 - 2024, Jelsoft Enterprises Ltd.