ديوان حلول البطالة

ديوان حلول البطالة (https://www.dewan.btalah.com/index.php)
-   قصائد الغزل (https://www.dewan.btalah.com/forumdisplay.php?f=7)
-   -   كان مالك وليف (https://www.dewan.btalah.com/showthread.php?t=141)

الديوان 05-09-2023 11:41 PM

كان مالك وليف
 
الشاعر : يحيى بن شيبان

إعتبرني وليفك كان مالك وليف=ودي إني أحوفك من جميع الحواف

كل مخلوق ودّه بالقليب النظيف=وأنت ربي يهيي لك قلوبن نظاف

فيك حسنن يحير يوم طولك زريف=من نظرتك وعيني تكتفي بالكفاف

بالمحاسن تفرّد شفت مالك وصيف=اللي حسنك جذبنا عن فتاة الغلاف

عدّني عند بابك وأنت لي مستضيف=وأعتبرني دخيل و زبن اللي يخاف

إرحم اللي تحيّر يالعفيف النظيف=كان ربي عطانا ما علينا خلاف

أنت بين العذارى شفت مالك وصيف=كل ما لاح زولك صار فيه إنكشاف

إنكشاف المحاسن دون ميل و زيف=راحو البيض بعدك مثل بيع الجزاف

يوم سهمك رماني وأنا عبدن ضعيف=ماهو زين إنتعرض للجفا والجفاف

أنت فصل الشتا ولا أنت فصل الخريف=أو ربيعن يحل بعد السنين العجاف

ما لقينا شبيهك في الخميس وعفيف=كن حسنك جديدن بالخلايق يضاف

لا أنت رويان عودك لا ولا أنت النحيف=في خطاك التغنج عند جال الضفاف

مد لي حبل وصلك لو شيّن طفيف=ما نبي من هوانا غير علم العفاف

هجر الأحباب ذنبن وأنت مسلم حنيف=وأنا خابرك من ربي تذل وتخاف

ما حصل في قريش ولا حصل في ثقيف=يترك الضيف واقف عند باب الطواف

ليتني في حياتي مثل عبداللطيف=سالك الدرب يمشي ما يبي الانعطاف



https://www.youtube.com/watch?v=eowmpWkVNJA


قناة الشاعر على التيك توك
https://www.tiktok.com/@shiban84


الساعة الآن 02:51 AM

Powered by vBulletin® Copyright ©2000 - 2024, Jelsoft Enterprises Ltd.