ديوان حلول البطالة - مابلت الدنيا ضما ناشف الريق

للشاعر مساعد بن جميل المغيري

مابلت الدنيا ضما ناشف الريق=ولابان بوجيه الرفاقه رفاقه

قل للرفيق اللي حدانا على الضيق=لابوه عـرف ولعنبوها صداقه

فالصوت نبرات التعاسه مواريق=يامن يرد العلم لهل العلاقه

ويقول مال الحر غير الشواهيق=لوتعشق سبوقه ثرى ارضه عشاقه

وحنا لو أن الهم فينا طواريق=نكسر على خطواتنا عظم ساقه

ماننشد الونـّه عن اقصى المعاليق=والهرج نعرف غايته من سياقه

واليا غدى المعنى سوالف واراويق=ماننشد الحلاق فن الحلاقه

كم جملة فيها المعاني تفاريق=تقلع مدى من لا تمنى فراقه

قم جر صوت معوكسات الطواريق=الموت واحد والحماقه حماقه

ومدام شمسي تنقري في المشاريق=ما اقول مالي في عنا الوقت طاقه

ولاني بمن يغفي به الوقت ويفيق=انا بدوي تكفيه حنة نياقه