شوفة نويّر
[poem=font=",6,white,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/3.gif" border="inset,3,white" type=0 line=0 align=center use=ex num="0,black""]
يالله مسا خير قلبي منقبض وش بـه=من رهبة الناس ولا القلب متطيـر يامعيراً شوق قلبي روح وانحشبـه=مكينة القلب تصرف بشوق يامعيـر مثل رذاذ المطر مايحيـي العشبـه=يحيي الفؤاد المغربل شوفة نويّر هنوف بدواً طرف قلبي اتعشعشبـه=العين تشفق لهـا والخافـق مشيـر قالت انا فيه موضـوع بوشوشبـه=قلت ارفعي الصوت لبى وجهك النير قالت اخاف اتّغيـر قلـت ويلشبـه=امـا اتغيّـار لامانـيـب متغـيـر قالت قبل تنشب احساسـي وتنشبـه=ابن آدم ان طال عمره عمره قصير لاتبلش القلب فـي حبـك وتبلشبـه=تراه قطت وجه من عـاده صغيـر وتقول بعديـن هـذي والله النشبـه=اعلمـك بالحقيقـة وانتـه مخيّـر وطيت راسي وانا افكر وكنت اشبه=من حيرته السنين ومـات متحيـر واخذت موشـة هـوان اتنعنشبـه=لديت فيها العيـون وقلـت يا نويـر لو قالو الناس لك يوماً ورح عشبـه=حذفت عمري وراي وجيتك مسيّـر لكن كلاماً مالش به خير وش لش به=لاتذيريـن الغـلا ويـروح متذيـر وقولي لرمشك اليا جيت اتحرشبـه=يرحمني شـوي ياملعونـة الخيـر [/poem] |
الساعة الآن 10:38 PM |
Powered by vBulletin® Copyright ©2000 - 2024, Jelsoft Enterprises Ltd.