المساعد الشخصي الرقمي

مشاهدة النسخة كاملة : يامدور الهين


روح القصيد
13-08-2010, 07:29 AM
يامدوَّر الهيَّن ترى الكايـد أحلـى=وأسأل مغنِّي كايـدات الطَّـروقِ ِ
الزَّين غالي لكـن الأزيـن أغلـى=ولكل شـرَّايٍ بضاعـه وسـوقِ ِ
النَّو عالي والسّمـا فوقـه اعلـى=ولى فاق علمٍ جـاه علـمٍ يفـوقِ ِ
الصَّعب هلاَّ قلت ياصعب سهـلا=دامك تبيني فانت ياصعب شوق ِ
أحب أعسف المهرة الَّلـي تغلَّـى=واحب اروَّض كل طـرفٍ يمـوقِ ِ
احب أسافر مـع سحـابٍ تعلَّـى=واحب فوق الغيـم لمـع البـروقِ
واحب اساهر بدري الَّلـي تجلَّـى=وارسم شعاع الشَّمس عند الشَّروقِ ِ
يامن علـى ثايـر فـؤادي تولَّـى=خلَّك على قلب الكرامـه شفـوقِ ِ
أكرم عزيزٍ بالعمـر مـا استـذلاَّ=يسوق عمره للمشاريـف سـوقِ ِ
إخترتك من النَّاس للقلـب خـلاَّ=ياحيثك مرادي وكيفـي وذوق ِ
مارحـت ادوَّر كـل زولٍ تحلَّـى=لولاك تسوى ماعطيتك خفوق ِ


خالد الفيصل