المساعد الشخصي الرقمي

مشاهدة النسخة كاملة : ضحيت لجلك


روح القصيد
13-08-2010, 07:35 AM
أكذب عليك إن قلت بالبال مريت=أو لي على الماضي وطاريك نيه
بس أذكر أني يوم طروك فزيـت=وفز الخفوق اللي جروحه نديـة
مدري غلا ولا أنا يوم ضحيـت=نسيت كل جروح قلـب ٍ خفيـه
عطيتك إحساسي على ما تمنيـت=عطيت والله ما حسبـت العطيـة
يوم ٍ رماد الشوق بالجرح غطيت=وتحت الرماد النار بالجوف حيه
حاولت أصد وكل ماعنك صديت=ترجع لك الأشواق ياهـي وفيـه
وتشيل عني كل هـم ٍ تحريـت=ولا الجروح أجروح تقسى عليـه
أدري بكل أشواق قلبي تماديـت=ضحيت لجلك لين صرت الضحية
شكراً حبيبي يوم كفيـت وفيـت=تعال لك منـي جروحـي هديـه
خذ كل ذكرى حب منها تعنيـت=وأنا بصيـر لهـم قلبـي خويـه
ويكفيني أني كل ماقلت ضحيـت=ضحيت لجلك لين صرت الضحيه


سعدالمطيري