منهك وحيلي هدته سود الأيام

[الديوان]

للشاعر : محمد السبيعي



منهك وحيلي هدته سود الأيام=وحزين حزني واصـل للنهايـه
وضايع وربعي قوم وأيامـي أعـوام=وحكايتـي مـع المآسـي حكايـه
أرجع ورى خوفٍ من الحـزن قـدام=وليا عكست الوضع حزني ورايه
يمشي معي من وين ما سقت الأقـدام=والحمـد لله كـان هــذا قضـايـه
إني أعيش اليتم من ضمـن الأيتـام=وأكبر ويكبر حـزن وقتـي معايـه
وأسهر ليّا غض الجفـن كـل نـوّام=وأضمى ولا أحدٍ داريٍ عن ضمايـه
وأكف دمعي في ثرى بيض الأكمـام=من خوف لا يدروا به أهل الوشايـه
وأعلّق آمالي على أضغـاث الأحـلام=وأبني قنوطـي .. لا تهـدّم رجايـه
وأبحر بهمّي في محيطـات الأوهـام=وأرسي بحزني في سواحـل عنايـه
مع كل هذا عن ردى الطبـع شـوّام=لو ضقت ما أمشي في دروب الغوايه
أصبر ولو ما أقدر على رد الأنسـام=وأكبر في عيني وأتشـاوى شقايـه
لكنّي أجزع وأكتم الصـوت وأنضـام=لا قلت في نفسي متى هي النهايـه
ثم جاوبـت سـود الليالـي والأيـام=ما شفت شي وكـل هـذي بدايـه