عمر المراجل ما تحدد بالأشكال

[الديوان]

للشاعر : فهيد البقعاوي



عمر المراجل ما تحدد بالاشكال=عمر العفن ماذاع بالطيب صيته
يبقى على ما قيل جماع للمال=ردي نفس ولو بحالك فديته
وإلا الرجل تعرف مباديه بالحال=تعرف بعد وشلون لا من نخيته
يعجبك في حاله وقوله والأفعال=يعجبك لا من جيت عاني نصيته
ذكرى بقى تاريخ عايش للاجيال=بعلومهم هي ساس مجده وبيته
هذا نعم هذا كفو طيب الفال=هذا اللذي من شان طيبه هويته
وأنا انا ياصاحبي صرت رحال=بافكار قافي شامخاته رقيته
شفت العجب في لحظه الصمت غربال=في لحظته شديت قافي وجيته
أحيان أحس إن المبادي بالأقوال=من يوم خاب الظن من هو هقيته
وأحيان أقول إن الأمل صدر رجال=بحروف شعره مجد عزه خذيته
وأحيان لا والله إلا ولا زال=نبع الكرم ساس المراجل لقيته
في كل شخص حسب لقول من قال=حسب لها حتى ولو ماعطيته
يكفيه علم غانم رغم الاحوال=ويكفيه ذكر حروف شعر قريته
ان المراجل ماتحدد بالاشكال=وان العفن ماذاع بالطيب صيته