ديوان حلول البطالة

ديوان حلول البطالة (https://www.dewan.btalah.com/index.php)
-   قصائد الغزل (https://www.dewan.btalah.com/forumdisplay.php?f=7)
-   -   مبسم هيا (https://www.dewan.btalah.com/showthread.php?t=15)

dewan 09-08-2010 08:02 PM

مبسم هيا
 
[poem=font="arial,6,black,bold,normal" bkcolor="white" bkimage="http://www.dewan.btalah.com/mwaextraedit2/backgrounds/1.gif" border="inset,3,white" type=0 line=0 align=center use=ex num="0,black""]
يالله بنــوٍّ مدلهم الخيالا=طافح ربابه فيه مثل المها الزرق
لا جا على البكري بين الحلالا=لا عاد تسمع به رعودٍ ولا برق
هتان ودان سحابه ارسالا=يومر وسكابه همل وابله غـرق
يسقي نعام ثم يملا الهجالا=حط الحريق اديار الاجواد له طـرق
يسقي غروسٍ عقب ما هي همالا=يصبح حمامه ساجعٍ يلعب الورق
ياشبه صفراً طار عنها الجـلالا=طويلة السمحوق تنزع عن الدرق
له ريق احلى من حليب الجزالا=واحلى من السكر الى جا من الشرق
مدهال عمهوجٍ له القلب مالا=يفداه ما فوق البسيطة بلا فـرق
يا ونتي ونة هزيل الجمالا=ينقص ردي الخيل قد حسه الفرق
وجريت انا صوت الهوى باحتمالا=في وسط بستان سقاه اربع فرق
في قلته في عاليات الجبالا=من عسر مرقاها ايدينه غدن طرق
برقٍ تلالا قلت عزالجلالا=واثره جبين اصويحبي واحسبه برق
مبسم هيا له بالظلام اشتعالا=بين البروق وبين مبسم هيا فرق
وروشن هيا له فرجةٍ من شمالا=وباب ٍ من القبلة وباب ٍ من الشرق
حولت مع فرغٍ جديد الحبالا=ورقيت مع فرغٍ تناوح به الورق
غصب ٍعلى الكالف وراعي الحلالا=والثالث الملحاق في لحيته ذرق
ومزيت من ريقه حلا ما يحالا=وقطفت رمان ٍ بصدره وهو غرق
النور في غرة جبينه تلالا=هلا وحياني وانا والهن شرق
قلت إسقني من مبسمك قـال لا لا=يا نورعيني لا تجي للهوى طرق
قالوا تجوز من الهوى قلت لا لا=الان تجوز رماح علوا عن الزرق
قالوا تجوز من الهوى قلت لا لا=الان يجوزون الحناشل عن السرق
قالوا تجوز من الهوى قلت لا لا=الان تجوز الشمس عن مطلع الشرق
[/poem]


الساعة الآن 09:59 PM

Powered by vBulletin® Copyright ©2000 - 2024, Jelsoft Enterprises Ltd.