ديوان حلول البطالة - مرثية الشيخ عبداللطيف الجبر رحمه الله

الشاعر يحيى بن شيبان

ما قويت الحِمل والهم الخفيف=كل شي ٍ صار يثــّر بالضلوع

شوف عيني دمعها صاير ذريف=امسح الدمعات من بين الجموع

في الحنايا كن به قصف ٍ عنيف=والشظايا تضربه من كل نوع

ليت من وقف على راسن منيف=كود اخفف واهج ٍ بين الضلوع

ما هقيت اني على عبداللطيف=من فراقه تزعج العين الدموع

راح شيخن بين خلق الله نظيف=روحة اللي ما وراها من رجوع

راح شيخن قابض الدين الحنيف=مؤمن ٍ بالله ما هو باليسوع

للأرامل واليتامى كان ريف=عن صواديف الزمن مثل الدروع

اشهد انه كان نعم المستضيف=كل ضعيفن ما شكى قِل ٍ وجوع

لو يمينه ما بها كود الرغيف=ما ينام الا يقاسمها الربوع

جعل ما قدم لهم عبداللطيف=يارث الجنة على نهر و زروع

ناشر الاحسان إلين اقصى عفيف=بكل ديرة له مقرات وفروع

يا إلهي ترحم العبد الضعيف=في نهار الحشر من هم ٍ و روع

عاش حر ومات عند الله شريف=شوف عيني مالك ٍ زين الطبوع

اتعزز من عقب عبداللطيف=كل ما صديت هليت الدموع

https://www.youtube.com/watch?v=aoyL4gK2QXI

قناة الشاعر على التيك توك
https://www.tiktok.com/@shiban84