ديوان حلول البطالة

ديوان حلول البطالة (https://www.dewan.btalah.com/index.php)
-   قصائد الغزل (https://www.dewan.btalah.com/forumdisplay.php?f=7)
-   -   بحر جدة (https://www.dewan.btalah.com/showthread.php?t=130)

الديوان 25-09-2020 06:54 PM

بحر جدة
 
الشاعر يحيى بن شيبان

والله انه مافضحني غير عيني == وانا عيني تعشق الوان الطبيعه

لكن انته وين وانا اليوم ويني == اشهد انها ضايقه فيني الوسيعه

حسنك الفتان واضح باليديني == وأتخيل دايم ان عينك وسيعه

ودي اني اتصل في كل حيني == لكن اني ضايعن ويش الذريعه

وأتخيل نور وجهك والجبيني == جل ربي يوم كل هذا صنيعه

قال يحيى ضايعن بين السنيني == وكل روحن ماهي ترضى بالقطيعه

ليت من دنياه ترجع بالسنيني == لو زماني ما يطيع احنا نطيعه

واشهد انك في نظر عيني ثميني == من شرا قربك فلا يمكن تبيعه

انشغلت ببحر جدة يا ظنيني == لين شفت سدود من دونه منيعه

يا فتاتي وأنتي الدر الثميني == وأنتي بهجة خاطري وأنتي ربيعه

يا إلهي يوم عبدك يستعيني == من سهومن صابته شلفا سريعه

اطلبك يالله فيها تقر عيني == لو اشاهدها على نظرة سريعه



https://www.youtube.com/watch?v=QzjEHukj_3Y


الساعة الآن 10:58 PM

Powered by vBulletin® Copyright ©2000 - 2024, Jelsoft Enterprises Ltd.