ديوان حلول البطالة - التواضع فيك ميزة من زمان

التواضع فيك ميزة من زمان=هذا وانته شيخ في راس الحكم

يا خو روضة وانت صمام الامان=شوف كثر اللي يسمى بإسمكم

لو نشدت الانس ولا أيـّـاة جان=او نشدت الصم ولا في البكم

يعرفون انك تعليت العنان=والفضل لله يرجع ثم لكم

انت ثقلك يعتبر ثقل الكيان=لا شكمت عداك شديت الشكم

يا سمو الشيخ فيك من الليان=في التعامل لين وسّع حبكم

خذ كلام ٍ ما يبي عدة لجان=القليل اللي مشى في دربكم

لو مجالس الامم تصدر بيان=ما يصّدر لين يُـذكر إسمكم

خابر لك ظل ما جا للطمان=حيث ظلك قِد تعلى مثلكم

خايف من الفوت لا فات الاوان=ودي مرة لو اصافح يدكم

ودي اسرح من فجر بعد الاذان=والظهر ما صلي الا عندكم

في شليلي شايل هروج ٍ سمان=والله انها ما تقال الا لكم

الشاعر : يحيى بن شيبان

https://www.youtube.com/watch?v=sKGhCum9dPo

https://www2.0zz0.com/2025/04/25/11/646994988.jpg