ديوان حلول البطالة - مهايط الشيوخ

انت يالمسكين خل الشطشطه=زينة الرجال فيه من الرسوخ

شوف طولك حاول ان ما تمغطه=بالتكبر والتعلي والشموخ

كل غرور ٍ لا بد الله يسخطه=ثم تمشي مشية ٍ فيها تلوخ

فيه شيوخ ٍ للحكي والخربطه=وفيه شيوخ ٍ بالمواقف هم شيوخ

وفيه شيوخ ٍ ودهم للمخرطه=لأن بعضهم صايبن راسه شروخ

لا سمعته بالحكي ومهايطه=تقول صانع ذرة ٍ ولا صاروخ

كل صغير ٍ حاول ان ما تضغطه=فيه هشاشة بالعظام وباليافوخ

كل مقام ٍ واجب انك تبسطه=فيه مسائل منها راسك يدوخ

كل سقيطٍ حاول ان ما تلقطه=اكثر اللي ساقط ٍ مساح جوخ

خل فكرك واعي ٍ لا تخلطه=فيه فرق ٍ بالحرار وبالفروخ

خايف ٍ تاتي سنين ٍ مقحطه=لا زرعنا تين ولا اغصان خوخ

ابرم بحبل المراجل واربطه=كان تطمح للمعالي والشموخ

البساط الاحمدي لا تبسطه=ابسطه لا جاك شيخ من الشيوخ

احذر من الطيبة اللي مفرطه=ما تجي بالخير تاتي بالرضوخ

تدري منهو بالخلايق نغبطه=الكريم اللي سكن في وسط كوخ

الشاعر : يحيى بن شيبان

https://www.youtube.com/watch?v=UgnrZFrlxrY

https://www2.0zz0.com/2025/05/20/21/296945434.jpg