ديوان حلول البطالة - قصيدة الاعلام

السوالف والحكاوي ما تفيد=ان بغيت الجد في الصمت بركه

ياخذ الاعلام كل شي ٍ جديد=واحذر الاعلام فيه الفبركه

تنخلط فيه المعادن والحديد=والذهب ما عاد فيه من يسبكه

ياهل الاعلام مابه مستفيد=ليش تمشون الدروب الحالكه

كل ما نصبح على علم ٍ جديد=للأسف فيه الجُمل مستهلكه

لا جديد ولا حصل نفض الجليد=كل ابوكم خاسرين المعركه

ما احترقنا لو يلامسنا الاسيد=لكن الاعلام صعب ٍ تمسكه

فيه صديد ٍ دوم عنه ما نحيد=اغلب الكتاب به مستمسكه

خابر الاعلام بالهرج النضيد=ان بدا فينا بدا بالجمركه

القيم يضرب بها ضرب الجريد=حدرونا في دروب التهلكه

لو درى بالحال هارون الرشيد=كان ثار وثارت البرامكه

شوّه الاعلام كل مجد ٍ مجيد=صار دمنا من تولاه سفكه

اذبحونا من الوريد الى الوريد=واحنا تونا ما بدينا المعركه

اشحن الجوال ما باقي رصيد=فيه كلام ٍ واجب ٍ ما نتركه

ننتقد عبر القصايد والقصيد=كود ننجى والمهالك موشكه

نكتفي باللي نقوله ما نزيد=وينكم ياهل العقول المدركه

الشاعر : يحيى بن شيبان

https://www.youtube.com/watch?v=Gz3ajvw4PW4

https://www2.0zz0.com/2025/09/04/22/318530386.jpg