ديوان حلول البطالة - شريت جمس وارد المناعي

شريت جمس ٍ وارد المناعي=الجمس يطرب والمزايا تطرب

الى مشى كنه يزيد الصاعي=كن الديار اللي بعيده تقرب

من قوته كنه يزوع القاعي=في البيدا يضرب والمخالب تضرب

شفت الدينالي زايد الابداعي=صديت عنه ولا لقيت المهرب

ما ظن مثله سلموه الراعي=في وادي العجمان او في يكرب

يكفيك نوره زايد الشعاعي=من دون يثرب نوره كاشف يثرب

الخفه خفه والدفع رباعي=والى مشى فوق الصياهد يطرب

لا فحً يشبه فحة الافاعي=واللي جهل به دايم ٍ يستغرب

لا من توطى له مطب صناعي=تقول كنه واطي ٍ له عقرب

صحيح رقمه واضح ٍ رباعي=قوم و تمعن فيه لا تستغرب

ان قلت اوادع ساعة الوداعي=الى بعدنا صار مني يقرب

لا تقنعون الناس ما له داعي=الجمس معروف قليل ٍ يخرب

ودنا نخفف حدة النزاعي=يمكن مع جوّ الركادة نطرب

ابريق شاهي زايد النعناعي=في فيضةٍ تسوى ضواحي زغرب

اظن لو يدري بي المناعي=بيوت شعري تجعله يستطرب

الشاعر : يحيى بن شيبان

https://www.youtube.com/watch?v=xQddlfprDn4

https://www2.0zz0.com/2025/09/28/20/458031200.jpg