ديوان حلول البطالة - قصيدة تهنئة رمضانية

يا سديد الراي والفعل الجميل=يشهد الله ما نسيتك بالتهاني

التحية عِد ما سيل ٍ يسيل=لك تثنى من ضميري في لساني

انت لك بالذات بالشهر الفضيل=دعوة بالغيب في وقت الاذاني

يا كبير القدر ما عنك بديل=ذا كلام وعندي شهود ٍ عياني

كل ما مريت بالبيت الجليل=اذكرك لاجيت بالركن اليماني

اطلب المعبود لك عمر ٍطويل=والطلايب فيها من فصح اللساني

واطلب الرحمن حظك مايميل=حيث مثلك خابرينه بالتفاني

يوم ربي حط لك قدر ٍ ثقيل=في صدور الناس يا ذرب المعاني

يشكرونك دايم الشكر الجزيل=وكل منهم شال قدرك بالمحاني

وكـّـل المعبود ولا غيره وكيل=بالمودة صرت واحد من خواني

يحيى بن شيبان

https://www.youtube.com/watch?v=0kNa2ugF71c

https://g.top4top.io/p_3700lh2ap1.jpg