ديوان حلول البطالة - دايم إندف الغشيم ونلحقه

انصفونا لا طلبناكم خبير=نبغى واحد من كبار المنطقه

فيه فريق ٍ ما خبرت انه شهير=ودايم ٍ نبدي عليه الطقطقه

لا تصدق لو يقول انه كبير=دايم إندف الغشيم ونلحقه

جاه وقتٍ صار منا يستجير=خط هجوم النار دايم يحرقه

والله انه لو يوقع او يطير=القذايف من بعيد ٍ تسحقه

بلغوه ان كان يحسب انه جدير=من بروق ٍ خايف انه تصعقه

الحرار تطير ولا ما تطير=ترهب الغشمان لو فيهم ثقه

ذا صغير وكلنا ندري صغير=ولا هي من باب الغرور وتفرقه

من زمان الملعب اللي به سمير=كان يطقهم مثل طق المطرقه

يا سمير هلال يوم انك خبير=كل خصيم ٍ واجب ٍ ان تغرقه

انتصرتو يوم في الملعب بشير=دعوة أمه يوم ربي وفقه

اشهد ان ميدران في لعبه جدير=يوم كرت الخصم وقف واحرقه

فيه فن ٍ بالهجوم وبالظهير=الشوازن حرق طلق ٍ بفشقه

لعبكم ذا الليل ذا لعب ٍ مثير=فيه فن وفي كثير الطقطقه

يا إلهي الكون ولا غيرك بصير=تنصر الاتي سفير المنطقه

يحيى بن شيبان

https://www.youtube.com/watch?v=YwJVvrRPmg8