ديوان حلول البطالة

البارحـه يـوم الاوادم خواشـيـع =في نومها وانا على الكـوع واعـي

هم ٍ يمزّع سترة القلـب تمزيـع =تقول ينهش ثومـة القلـب افاعـي

خذت القلم من بين روس الاصابيع =وحبيت اميز سيرتـي وانطباعـي

عزلت من صدقـان عطلة الاسابيـع =وعزلت من ضحك الوجيه الصناعي

وعزلت من بنين بامالـي مشاريـع =جميد برد ولانس الشمـس ماعـي

وعزلت من زرع الخلـي البلاقيـع =وعزلت من رفـع الثنيـه رباعـي

من نفعة اللـي ماطلبنـي منافيـع =جميلة ٍ في غيـر اهلها ضياعـي

في اسواقها ماعاد لشـري ولابيـع =لخطيت من رفقة طويـل الذراعـي

اللي على الرفقـه يسوقـه دوافيـع =هـذاك تشـرى رفقتـه ماتباعـي

اما يشجعني علـى الطيـب تشجيـع =والا يعلمنـي حمـيـد المسـاعـي

والا ليا منـه رمعـنـي روامـيـع =وضاقت على كل الفجوج الوساعي

جيته ويسرلي عسيـر المواضيـع =وخلا خفايا خاطـري لـه وسـاعـي

معرفته ماهـي معرفـة طماميـع =ماتنتـج الا الغطرسـه والضياعـي

سعد بن جدلان