[الديوان]

 

الله من قلب ٍ عليه الدواكيك=يصتك في قاعه ثلاثين دكاك

ليه الهوى مايعترف بالصعاليك=كن الهوى للي يديرون الاملاك

يا خافقي وان طوّلت بالشرابيك=لا بد ما تضحك على دور الافلاك

يا صاحبي حيرتني ويش اسميك=لا انته مع ذولا ولا انته مع ذاك

تلحِقني الجفوة وتبدي حسانيك=ترضي طرف ذولا ومرات ذولاك

صوّت لك لقـيّـتني في علابيك=وأصبحت لا حِشتك ولا جيت مرماك

مدري البلا فيني ولا البلا فيك=حيرتني زود ٍ وانا اشوف ممشاك

أفهق لك الخطوة علشان أراضيك=وتمرني عجل ٍ سريعات اخطاك

وش بدلك وش غيرك في مباديك=ما جاك مني ما يكدرك ما جاك

ياليت لو جاملت لعيون مغليك=اللي فنا عمره وهو يطلب رضاك

انا احسبني في ضحى العيد أوافيك=عيد الفطر كنه حداد ٍ بلياك

قلب ٍ تملتكه ولا هوب يوذيك=وش فيك تحذف به على حوض الادراك

عيشتني شك ٍ على زود تشكيك=حِرقت ظفايرنا على روس الاسلاك

ناس ٍ نجنبها علشان نرضيك=وأثرك تجنبنا علشان ذولاك

ياتيك من وقتك ولا بد ياتيك=ولا تجتمع غفلة على وقت الإدراك

روّح في مان الله ما عاد نبغيك=إجتمعت الدنيا علينا وفرقاك


الشاعر : يحيى بن شيبان