[الديوان]

 

يا اهل السياحة خلاص=ما نبغى غير النماص
ودي جهة الاختصاص=تهتم بالديرة كثير

ابرد بقعة في البلاد=سبحان رب العباد
فيها الهوا والبراد=احجز ولا تستشير

واللي حلف بالبروج=ارسل عليها الثلوج
ودي كل يوم ندوج=ولا انتعدى عسير

لا غبار ولا عجاج=فيها زاد الانبهاج
رايق وراق المزاج=قصيد ٍ عبر الاثير

سجل عندك بالبلاغ=نسينا لبس الشماغ
صفينا اللي بالدماغ=صرنا نشم العبير

القيظ حر ٍ بغيض=رب الخلايق حفيظ
انا اشهد اني حظيظ=دايم بالله استجير

ياهل تنومه سلام=عِد ما ناح الحمام
انتو الناس الكرام=ياهل السيف الشطير

عيال عامر بالكرم=كنهم راس الهرم
كل منهم يحترم=لو كان عمره صغير

عامر ذيبٍ فيه جود=وافي والذكر محمود
باني عرين الاسود=يفزع لا صاح النذير

ما نبى قرق وهرج=لا نزلنا وادي ترج
لو يزيد الخرج خرج=اصرف والمولى قدير

لا حان وقت الرجوع=يمكن تفيض الدموع
اشهد الفرقى تلوع=كنها تلوي المصير

مشينا قبل الثلوث=ودنا يطول المكوث
ونفتح بعض البثوث=من قبل يبدا المسير

اللي عليه الذنوب=تمحى لا راح الجنوب
خص ٍ لا جاه الهبوب=برد ٍ من بعد الهجير


الشاعر : يحيى بن شيبان