عرض مشاركة واحدة
  #1  
قديم 16-04-2019, 12:02 AM
Administrator
 
تاريخ التسجيل: Aug 2010
المشاركات: 114
معدل تقييم المستوى: 28
الديوان يستحق التميز
افتراضي أنا البارحة ما أمسيت والمسلمين رقود

أنا البارحة ما أمسيت والمسلمين رقود .. حسبي على من كان هذا من أسبابه

تراني بخيرٍ لين وقّف نعيم العود .. ضربني برمحٍ واوسع الحد مضرابه

ألا يا محمد جعل عصر الغضي ما يعود .. وان حل بي أمرٍ فالأسمر من أسبابه

تردى نصيبي والسبب حظي المقرود .. ويا لعن أبو حظٍ عجز عنه ما جابه

والله لولا الله أخشى من المنقود .. لأشق ثوب الستر ثم أتلوى به

يالله يالمطلوب يا منشي الرعود .. ويا موصلٍ حجاج بيته إلى بابه

فنك تعين اللي تكدر من المنقود .. حلالٍ يبيه او يترك الشرك واسبابه

هلكني وغربلني ولا لي عليه اشهود .. جرى الدمع من عيني ولا قلت أنا جابه


للشاعر مشعل الحقباني

رد مع اقتباس