يا رشيد انا اسولف مع النفس يا رشيد
وأنته تسولف مع نسيم الهبايب
يا رشيد مشين طقة الحيد بالحيد
على سبب ولا بليا سبايب
بعض الليالي السود عرضة مقاريد
شره على طوله وخيره نهايب
يا ذياب بن غانم ليا جيت ابو زيد
قله تقول البدو ويش انت جايب
قابلت انا بالجو حشو ومفاريد
وطاحت الأشده من ظهور الركايب
يا رشيد انا ما حب كثر التناشيد
ولاني من اللي يحرثون النشايب
وختامها مني تعرف المقاصيد
وانا بري يا رشيد من كل خايب
وصلوا على المختار ما لبّس العيد
وعِد البروق وعِد وبل السحايب