قصيدة للشاعر : علي عبدالرحمن ابو ماجد بعد الطلاق
للراوي : محمد الشرهان
الله من جاش ٍ غدى تقل بوفه .. مشبها متنحر ٍ للعواصيف
وقودها سمر ٍ عليه النشوفه .. قطيع صيف ٍ ولعوا فيه بالصيف
أربع سنين ٍ والهبايب تلوفه .. لما غدى مثل العجايز مهاجيف
وقلب ٍ تقل فرّض لطير علوفه .. طير ٍ مجيع ونتف القلب تنتيف
وعين ٍ تزج الدمع ببلا كلوفه .. دم ٍ بدمع وتزعجه بالمغاريف
وكبد ٍ من المعلوق تقل مخطوفه .. ماباقي الا دمها بالسراجيف
من قصة ٍ خرسا مهيب معروفه .. طبيبها ياصل على الحد ويقيف
بلعتها وهي عليها الحفوفه .. وصرفتها من غير شِطه وتكليف
من شان خاطر ناقة ٍ لي عطوفه .. حيرانها بين الرعية مواليف
يالله ياللي كل شي تشوفه .. ياعالم ٍ سر المعزّب مع الضيف
انك على قيس الخطية تلوفه .. خير من قص القصص والسواليف
قصة وأبيات للشاعر / علي عبدالرحمن ابو ماجد بعد الطلاق
العرض العادي
