لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 16-05-2023, 03:39 PM
Administrator
 
تاريخ التسجيل: Aug 2010
المشاركات: 114
معدل تقييم المستوى: 28
الديوان يستحق التميز
افتراضي رثاء الوالدين

للشاعر : يحيى بن شيبان

يا منزل الاخلاص والفيل والتين=ومنزل سورة تبارك والانعام
يا ناصر الاسلام ويا ناصر الدين=ومتمم الاسلام بإركان الاسلام
يالواحد المعبود ما غيرك معين=ياربي اللي ما ذِكر عينك تنام
ياخالقن عبدك من تراب ومن طين=وابدعت في خلقه وتكوين الاجسام
تلطف بقلبن ذايقن لوعة البين=ترادفت بالجاش عامن ورى عام
النفس كنها بالحمم والبراكين=واصابع الرجلين من فوق الالغام
فقدت ابوي بعام سته وثمانين=وانا بعد سبعة وثمانين منظام
فوق النعش حطو وريث السلاطين=والواجب انهم نكسو روس الاعلام
يوم العزا عمري ثلاثة وعشرين=لو شفتني خمنتها بالمية عام
مدونن يوم العزا بالدواوين=لا عاده الله يوم من بد الايام
ضاق الفضا في ناظري والميادين=لأني دخلت بعالمن فيه الايتام
يا والدي من يوم موتك الى الحين=يمرني زولك سريعن بالاحلام
رغم البساطة موقفك موقفن زين=الجار عندك ما حصل يوم ينضام
يا كاسب الاحسان والبر واللين=لأميمتك شفتك مطيعن وخدام
قد شلتها وضميتها بالذراعين=وغسلتها من راسها لين الاقدام
اقولها عندي شهود وبراهين=موثقه بين القرايب والارحام
وين انت ياللي تجمع الناس كل حين=للضيف والعاني تحط روس الانعام
تمضي بي الايام وشهور وسنين=ما زلت أعد اني من إعداد الايتام
وفي عامي الثامن بعد عام الالفين=الحزن عوّد ماسحن كل الاحلام
فقدت والله جنتي والرياحين=مذكورة الجنة تحت ذيك الاقدام
ماكني الا فاقد اليوم ثنتين=كني فقدت الدين واركان الاسلام
يا اميمتي وشلون عنا تروحين=استغفر الله كان في هرجي آثام
لا والله الا صار للهم عشرين=عشرين باب مقفلات بالاحكام
لولاي ادّله خاطري بالبزارين=يمحل فؤادي ما بقى فيه رمرام
يالعبد لك يومن به تدان وتدين=وتحصد اللي تزرعه يدك العام
اخفض جناح الذل ما غير لأثنين=ومن بينهم خلك ذليلن وخدام
يالموت لك هيبه تهيب السلاطين=واهابها هيبة ذليلن ومنضام
لولا البدع لا سوي اليوم تأبين=لأغلى مخاليقن على دور الاعوام
اعوذ بالله من حضور الشياطين=ومن الكلام اللي يسطر بالاقلام
يارب انا عبدك ومخلوق من طين=اغفر خطاي ان كان تلحقني آثام
والختم صلى الله على ناصر الدين=اللي نقذنا من تماثيل واصنام




قناة الشاعر على التيك توك

https://www.tiktok.com/@shiban84
رد مع اقتباس
إضافة رد

مواقع النشر (المفضلة)

الكلمات الدلالية (Tags)
آثام, معين, منظام, منضام, الألفين, الأثنين, الميادين, اللين, الأنعام, الالغام, الاحلام, الايام, الايتام, الاجسام, الاحكان, الارحام, الاسلام, الاعلام, الاعوام, الانعام, الاقلام, الاقدام, الذراعين, البدو, البراكين, البزارين, الحين, الدواوين, الرياحين, السلاطين, الشياطين, العام, ثمانين, تأبين, تدين, براهين, تروحين, تنام, ثنتين, خدام, حين, ينضام, رمرام, زين, سنين, عام, عشرين, طين

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:18 AM


Powered by vBulletin® Copyright ©2000 - 2024, Jelsoft Enterprises Ltd.
 
:: إهداء من ابوشدق ::