لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 04-01-2020, 12:25 AM
Administrator
 
تاريخ التسجيل: Aug 2010
المشاركات: 92
معدل تقييم المستوى: 22
الديوان يستحق التميز
افتراضي قبله فقدت أمي

للشاعر يحيى بن شيبان

قبله فقـــدت أمي ولليوم فــــاقد = فاقد أعــز إنسان بالكون ياسعود
الصورة اللي دزها الليوم خالد = كني بعدها صــــــاير اليوم مفقود
مفقود وقلبي عايف الكون زاهد = ودي بمشرافن على قمة الطود
وفاقد أبوي اللي إفقدته المساجد = اللي يشـــرفني إلا كان موجـــود
الوالـــــــد اللي عنده البـــر زايد = يبر بأمـــه بر ما هو بمحــــــدود
إيه والله إلا كل أبونا شـــــــواهد = نشهد على بره ولا هـو بمجحود
يا حلو يومن فيه والعـــــود قاعد = بشماغه وبشته تشم ريحة العود
وأمي تجهـــــز له متاكي وجاعد = أحيه يا وقتـــــن مضى ليته يعود
يقوله اللي فـــــــــــاقد اليوم والد = واللي فقــــد شيبانه اليـوم مفقود
أقولهـــا والله على القلـــب شاهد = بيض الليالي عقبهم صايرة سود
إلا طروا لي كن صــــدري تواقد = بين الحنايا والجمـــر صار بارود
البارحــة يوم أغلب الكون هاجد = أنا أتعبـــر والملا كلهــــــــا رقود
تقبل همـومن فوق صدري توارد = مثل الثقــال اللي غرابيبها سود
بيض الليــــالي في عيوني تساود = يالله تلطف بي من أيامي السود
أحــــــزان عمري كل يومن توافد = نوبن أطاردهــا ومرات مطرود
مالي جدا كــــــود أطلب الله ساجد = اللي غفر ذنب النبي ذاك داود
يغفـــــــــر لنا حتى لو الذنب واجد = الواحد اللي رحمته مالها حدود
يا رب بين النــــار والعـــــود باعد = بعد بعيدن ما دخل بعد محدود
ويالله بين النـــــــــــار وأمي تباعد = بجاه وجهك ثم شاهد ومشهود
أنا احمــــــــــد الله ما ترجيت عابد = كل الرجاوي معلقة بحي معبود
اخذوا من الدنيــــــــا كثير الشواهد = وأذكر بعوضة سببب موت نمرود
وقـّظ فؤادك اللي من العــــــام راقد = لا تحسبن انك حي على القاع مخلود
وتعرف أن المـــــوت للناس حاصد = والأمس ليمن راح ما ظنتي يعود
سواعدن تبني وتهــــــــــدم سواعد = وراحو كثير الناس من دون مردود
لكن حقايق لك من اليــــوم وصاعد = عن ما نهاك الله خل دونه حدود
وإحذر تكون من المخـــــاليق حاسد = يالله ترحم كل من كان محسود
يالله تجعلــــــــــــني من الناس حامد = ويالله تعديهــــا على سهود مهود



رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, أبي, مجحود, محسود, مرثية, مشهود, مهود, الأفلاج, البوعينين, الدمام, الجبيل, الشيبان, النمرود, الوالد, الوالدة, بعوضة, حاسد, حدود, شاهد, شهود, سواعد, سود, غرابيبها, نمرود

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:24 PM


Powered by vBulletin® Copyright ©2000 - 2021, Jelsoft Enterprises Ltd.
 
:: إهداء من ابوشدق ::