لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 09-17-2010, 01:46 PM
Administrator
 
تاريخ التسجيل: Aug 2010
المشاركات: 92
معدل تقييم المستوى: 22
الديوان يستحق التميز
افتراضي فرحة اليتيم

قصيدة الشاعر مشعان البراق على لسان يتيم



فرحت لك وأنا معاليقي حطام=والصدر من مافيه بيّح كنينه
فرحة يتيم ليلة العيد ما نام=خالاته ، وخواله .. مواعدينه
مواعدينه بشت .. وشماغ بسام=ويلـّعبونه في ملاهي المدينه
مانام .. وأحلامه تحراه قدام=كنه يطول أحلامه براحتينه
صبحه تجّلا نوره بعيد الاسلام=وقبل يروح المسجد : ملبسينه
صلى وجاء وأمر الله اللي قضى تام=ماهوب داري عنه زينه وشينه
بشته عليه .. مهندم خير هندام=واللي بعمره .. كلهم محترينه
رجع ولكن فرحته ضايعه دام=كل ٍ مشى وأخذ ولده بيمينه
صاروا خواله في نظر عينه أصنام=أحيوا بداخله الجروح الدفينه
ولا عنده إلا أمه وناب القهر سام=جاها يبي منها اليدين الأمينه
شعوره اللي حس به مثل الإلهام=وأول سؤال في باله : أبوي وينه
جته تعدي ماهو تخطي بالأقدام=وشالته بيديها وحبّت جبينه
أبوك : جاء البارح وقبل الفجر قام=وشرى لك ألعاب وهدايا ثمينه
لحظه وهو بين الحقايق والأوهام=والدمع الأزرق حاير في مقلتينه
يمه : ترى مانمت والعالم نيام=ماجاء .. ولا لمست يديني يدينه
مادام رقمه معك من بين الأرقام=بأكلمه ، يوم إنك تكلمينه
قالت بدون شعور وإدراك وإلمام=أبوك في تراب القبر دافنينه
العام مات .. ومت من موته العام=وكني بعد ما مات عني سجينه
أبوك جندي للوطن ضد الإجرام=عطاك عمره دون داره ودينه
كل ٍ عذلها بين عاتب ولوّام=تصبري خلي ضلوعك متينه
ماهو صحيح ان الضرورة لها أحكام=اكبر خطأ يوم انك تعلمينه
بكره تنسيّه الليالي والأيام=هو فيه أحد ينسى حدا والدينه؟
طير السعد في عالمه ما بعد حام=والله يعلم وش تخبي سنينه
انا كذا ساكت وصابر ومنضام=لكن كان الفرق بيني وبينه
الدمع لعيون الأرامل والأيتام=ودمع الرجل ذل وهوان وغبينه

رد مع اقتباس
إضافة رد

مواقع النشر (المفضلة)

الكلمات الدلالية (Tags)
مرثية, البطالة, الإجرام, الوطن, حلول, يتيم, ديوان, جندي, فرحة

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:35 AM


Powered by vBulletin® Copyright ©2000 - 2021, Jelsoft Enterprises Ltd.
 
:: إهداء من ابوشدق ::