لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 09-20-2020, 11:17 PM
Administrator
 
تاريخ التسجيل: Aug 2010
المشاركات: 92
معدل تقييم المستوى: 22
الديوان يستحق التميز
افتراضي دنيا المخاليق ضاقت

للشاعر يحيى بن شيبان


وين الفرج يا بو الفرج صاير بعيد
ضاقت عليّ دنيا المخاليق ضاقت

ليت السنة وأيامها كلها عيد
أرتاح الى نفسي مع الناس راقت

صار الونس ياتي من العيد للعيد
والى سليت إلا همومي تباغت

تباغت النفس الحزينة من بعيد
كنها بغيبوبة ولا هي استفاقت

مرات أحس اني من الناس رعديد
لو الشجاعة بعض الاحيان حاقت

ياليت حظي مايبي غير تجديد
كود اتفضى له الى النفس راقت

حبل الشوارد ما يبي اليوم تمديد
لأن الصوادف بأغلب الوقت عاقت

عاقت ضعيف مشرّد الفكر تشريد
يصارع الامواج من وين ساقت

ساقت عليه من الجموع وتفاريد
صوادف الدنيا عليه استساقت

لاهوب في جوفي ويحتاج تبريد
وين الصديق اللي له النفس تاقت

اللي يبددها عن الروح تبديد
ودايم يفرقها الى من تلاقت

هذاك عوّدنا على العز تعويد
لأن الفرج عنده اذا قلت ضاقت



رد مع اقتباس
إضافة رد

مواقع النشر (المفضلة)

الكلمات الدلالية (Tags)
تلاقت, تاقت, تباغت, تجديد, تشريد, تفاريد, يحيى, راقت, رعديد, ساقت, شيبان, عاقت, إستساقت, إستفاقت, ضاقت

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:54 PM


Powered by vBulletin® Copyright ©2000 - 2021, Jelsoft Enterprises Ltd.
 
:: إهداء من ابوشدق ::